Talofa Niutao Asiasi,

Ko fakasae atu mua mai ite mataniu o maua mai konei mo Davidon. Kaia e malolosi katoa fanau Niutao i konei, ite alofa ote Tamana kaati te fakatau e tusa pau tatou i tena taumata alofa.

Kaati ko oko tatou kite vaiaso e fakamanatu ai te aso o taua, tela e se puli i loto ose fanau Niutao salalau. "Toku tia Niu, Niutao, toku sei gali, eu tafao, i kauone mamao" Ae e tonu ailoa, ia Niutao se igoa fua, kae gali e fai ne taua fanau Niutao, e matamasei foki e fai ne taua ine Feue,hahha!

Tasi o ma fatele e usu tele e fakamisimisi ai maua ite aso o taua tenei ka fakamanatu ite wkend nei. Maua e fakamanatu te ma Setema tokalua ailoa ite fale fou o David ite wkend nei.

Mo fanau Niutao katoa i akoakoga mo galuega ko kalagina kae maise te nuu tonu, ke manuia taumafaiga. Ia ke manuia foki a faigamea ote aso o taua."SETEMA" Kae ko moli atu loa ma alofaaga kia koutou katoa ite aso o taua tenei.

Tena tama tusaga o maua mai konei, kae ke Manuia fanau Niutao salalau.

Tiaborua Tautu & Davidon Kalanise

E tiga te nonofo i kauone mamao kae se puli te nuku o taua,i ana atiakega mo ana taumafaiga.

Ko

--- In Niutao@yahoogroups. com.au, "feue1304" <feue1304@.. .> wrote:
>
> Tulou te malu o te fale fale o tatou tenei fakatasi mo te kau fakalogologo pela foki mo te kau faitau. Ko toe fakaaoga te avanoaga tenei o fakamolemole kia Sitaake mo Pikona i te Kaupule Niutao ke share mai mafai e mafai ni tala euiga mo atiakea nei i luga ite fenua.
>
> E logo atu me koi te gasue malosi te Kaupule o fakalei tulaga kesekese o te atiakega o te fenua, maise ko te feitu tau akoga. E fakalogo atu foki i te lei a fakanofoga a te Kaupule i te feitu loa tau akoakoga. E iloa katoa ne tatou me tenei fua te avanoaga taua e mafai ai ne tupulaga o Niutao o maua tulaga lei atu iaso fakamuli.
>
> Tela la e tau katoa fanau salalau o Niutao o lago malosi ki taumafaiga a te Kaupule pela foki mo te lua Falekaupule.
>
> Ke manuia koutou i lasaga mai mua nei.
>
> Feue
>