Talofa fanau Niutao salalau,

Fafetai me tenei e tumau te ola mote malosi ia tatou katoa. E moli atu te
fakafetai ki te kau fai fenui, kae maise ko te ulufale mai o te tapapa ko
Sitaake mai Niutao ki te falekauule fai manatu o tatou tenei. Kae muamua loa o
fakafetai mo te fakamalo atu mo te tulaga fou kae taua tenei kooti ne faka-eke
aka koe kiei.

Sitaake, e pela loa mo te fanatu o Tim kae tela foki e fakapatele kiei a Pateni,
te falekaupule fai manatu tenei ne faite loa mo fanau Niutao salalau. Pela mo te
sau a Sulufaiga, ne fakatoka te discussion group site tenei ne te tapapa-palagi
Niutao ko Geoffrey i taimi ne foki mai ei a ia i tena malaga muamua loa ki
Niutao.

Se taumafaiga tafasili ite taua tenei ke isi se network ke mafai ne tatou o
link-up tiga te nofo tatou i fenua kesekese. I te vaaitaimi nei, ko latou kola e
mafai o fakaaoga fakalei a poto fou konei ko latou foki e fakaaoga muamua ne
latou 'fuga lei' mai poto fou konei.

Fafetai Sitaake mo te matapulapula. Te network tenei ka maumea atu mai te ulu
mai o koe kiloto. Kae musumusu atu kisa Pikona mo nisi o fanau o tatou i kona ke
taumafai o fakaaoga ne latou te falekaupule fai manatu tenei.

Te manatu tenei e ola ite vaaitaimi nei, ke faite se network i tafa o te mea
tenei tela e open fua ki fanau Niutao. I te vaaitaimi nei, kae taumata koulua ki
te list o subscribers kite discussion group site a tatou, e matea ne koulua igoa
o nisi tino kola e seiloa ne tatou. E fakaasi mai ei me sose tino valevale e
mafai fua o kau kiloto ite discussion group a tatou seai ne puipuiga kooti ne
fakatoka ne tatou. Te manatu tenei ne sae aka me e iloa ne tatou me e isi ne
mataupu fakapogai loa mo te fenua e se tau ke matea ne nisi tino aka i tafa o
fanau Niutao. Te ulu foki o sose tino ki te network fou, e mafai fua mai se
recommendation o existing members.

Tena te manatu ne ala ei o fai sokotakiga mo Atu, pela foki mo Tim ke mafaufau
latou ki se fakatoga tela e mafai tatou o fai manatu e seai se manava-see ona ko
mataupu e tai "sensitive".

Kae mo koulua mai Niutao e Sitaake, e toe fakaoko atu loa te leo vaivai mo te
fakatulou atu mai konei ia matou i Fiji ke tai sulasula mai soko ki loto nei. Ko
te uke o manatu titi ikonei kote lei mote gali o tonu fai a takitaki o Niutao.

I te logo atu mai konei, e tai uke loa gasuesuega a tou fenua maise ko te
Kaupule mo te Falekaupule o Niutao i tulaga tau atiakega o akoga mo fanau Niutao
i loto i akoga - Niutao mo Motufoua. Konei taa e Sitaake e fia logo atu matou
konei e nofo mao mai te fenua. Kae mai te feitu o matou, ko fakaaoga te network
tenei o fakaokooko atu tala ki taumafaiga a matou konei i Fiji, Australia, pela
foki mo NZ kola e fakapitoa mo Niutao pela foki mo fanau loa o Niutao i motou
fenua konei. Ke masaua ne tatou katoa, me isi se koga kooti ne fakaavanoa mo ata
a koulua mafai e isi. Ko lua fua nei a set kooti ne upload kiei. Ko ata a Geoff
i tena malaga muamua loa ki Niutao - e fia fua ata aia iei, mo ata a Sei i te
malologa a matou i Niutao ite 2007.

Sitaake, kafai koe e malosi o fai mai au tala mai Niutao, pela foki mo ne ata a
koe ke uploa ki konei, ko tafasil te gali. Pena foki koulua e Taufia i kona. E
fakaoko foki loa te manakoga tenei kia Sulufaiga mo Geffrey i Sydney. Sulufaiga,
kai fai koe kia Fikau euiga mo te site tenei?

I tafa o te manakoga tena. e talitonu te loto me te pogai taua loa e tasi o te
discussion group tenei ko te sautala, titi manatu, mo te fai fenui kiluga i
sose mataupu tau te atiakega o Niutao. Tela la ko mau se avanoaga gali mo koe e
Sitaake o avaka au mataupu i konei ke fai manatu kiai te tou kau.

Ko moli atu alofa mo koulua katou konei e fakamaumau ki konei.

Feue


--- In Niutao@..., "sitalopati@..." <sitalopati@...> wrote:
>
> Tai fakatoese manafai e tovasaga te ulu atu. Kae mote maua ote site tenei, ne
fiafia te loto mote lavea atu mo mea tau atiakega mote te ta motu pukupuku. E ui
ai, seai se fakalavelave mana kaitaua loa koutou kola (mana isi)ne fakapitoa ki
ai ate koga tenei. Ona la ko aku kote Planner foou ate Kaipule Nto, ne tai
fiafia ai o ulu ki loto ona ko tala o mea tau atiakega e iloa lei ne aku. Seiloa
la e mafai o taua tala o mea tau atiakega mai i Nto kia koulua fanau salalau.
Kae ui ai, e tai fakatoese atu mote popole valea o ulu atu kae koa manava atu
foki ailoa mai konei.
>
> Tiga te nonofo o matou i atu motu valevale kae se galo koe koe Niutao tela ne
u fanau ai.
>
> Tofa
>
> Sitaake Lopati
>