Talofa Niutao,

Fakamalo atu kia Ioana i Sydney me tenei ne toe maua ne ia te auala
ki te falekaupule o tatou tenei. Kae seiloa la nisi o tatou - kaati
koi takesese loa i te vao pupu o te internet!!! Pati mo kata.

Ioana, sala atu ki tamaliki o tatou i kona kae taumafai ke register
foki latou kite site falekaupule tenei ke kau ki titiga o manatu ki
mea tuputupu i te fenua.

E isi ne tino o tatou, maise ko taku i konei, kooti ne register, kae
koi nofo nei i te fatiotio ki te site!!! Te kau nei ko te kau a Sei
mo Kaisipo!!! Seiloa me isi ne la tala e mafai o tuku ki loto i konei
me seai!!!

Kaeaa maina te kau mai Funafuti - pela me koi tai ponogutu mai te kau
konei!! Seiloa kote uke o galuega me kote fakatamala!!!

Ko fanatu kia koutou i Funafuti ke fakapatele mai mua ne lua fenui.

ke manuia koutou ite weekend tenei.

Fetaui.

Feue



--- In Niutao@..., "uotamoaloane" <uotamoaloane@...>
wrote:
>
>
> Ko gali aka loa me ko isi se avanoaga penei e mafai ei ne te fanau
> niutao o faka tau fesoasoani i titiga manatu mo nisi atiakega mo te
> fenua, kae maise ei ko te tou tino kona e nofo mai i te fenua.
>
> A matou i Sydney nei pela ko au fua nei te tamaliki te tou fenua,
mo te
> taina ei ko Faiga te tama a Iosefa e nofo mo tena kaiga i konei, mo
> Noatia penitala ei mo tena kaiga. Au e logo me isi ne nisi tino
> Niutao aka kola ne aumai ki konei faka NZ. Pela loa seki fetaui
matou.
>
> Ei io mo Geoff ei te founder o te site tenei, tenei e nofo i konei.
> Kaati e gali manafai e titi manatu, kae avaka foki ne tala o mea
tupu
> mai te fenua o tatou ke logo atu tatou katoa konei e nofo vasa.
>
> alofa atu ki te fanau niutao
>
> sulufaiga
>