Hi Tiapo!!
Malo mo te tusi. Te mafaufauga malosi ke fakaaoga ne tatou te site nei o fai manatu kola e aoga ki te atiakega o te fenua, fakatasi foki iei ko gasuesuega o tatou takitokatasi o fakalei atu tulaga o tatou.
Taku fakatau tena te agaga ne fakatu ei te discussion group tenei.
E isi saka meli ne posted kite fesili a Mafalu euiga me sea io me neaa a mataupu ke sautala tatou kiei.
Au e fiafia lasi me tena ko ulu mai koe. Tatou nei e tai tatoo loa ite technical input ki polotieki faite ke fesoasoani kiei te Luaseeuta Foundation.
Kafai kooti ne accessed ne koe te foundation web site, ko matea ne koe te pogai ne fakatu ei te foundation tena. Te fakanaaga ko Geoff mo nisi cousins o ia ke sala mai fesoasoani mai tua atu o Tuvalu o fesoasoani ki atiakega o Niutao mo Tuvalu. Ko tasi te fesoasoani kooti ne fai - ki mea
tau computers pela mo te iloa ne koe.
Te fakamoemoega mai konei ke tai lasi atu te fesoasaoani ki mea tau polotieki kola e aoga ki te olaga fai o tino Niutao. E manako gina malosi te input o koe, mo David mo nisi fanau Niutao i technical fields.
Tiapo, fai kia David ke register foki a ia ki te group o tatou tenei.
Kae lei me tenei a Taotao ko ulu mai i NZ - ke titi manatu mai me nea fesoasoani e mafai ne tatou o fai mo te fenua!!
Ko fanatu.
alofa atu.
Feue
tiap76 <tiap76@...> wrote:
tiap76 <tiap76@...> wrote:
Talofa Niutao,
Muamua loa o fakatulou atu kite ulu fale atu mai konei, kae fiafia te
loto aua ko mafai tatou fanau Niutao o sautala iluga nei, ki tala kola
e fakalei a olaga o tatou i sose kauone e ke nofo ai kae maise te
fenua fakamuli mai.
Ko matou mai konei i Brisbane nei e malosi katoa loa, David tenei foki
loa koi makeke ana pou,o atuli te lafu saina konei ite akoga.
Ko te vaiaso tenei ko teka, matou ne fakatasi tele mo Filipo Taulima,
ne isi sena fono ne fai ite fakai o matou i konei.
Kati kona ka mu tala mai konei ite fakai a matou kae ko fakalogologo
atu ki tala mo gasuesuega ote fenua o tatou
Ke manuia Niutao
Tautu .Tiaborua.
Send instant messages to your online friends http://au.messenger.yahoo.com
Offline 
Send Email